Landsins stærsti símaklefi með kaffivél.
Það var sterkt að vinna með rými sem svo lengi hafði verið óbreytt. Fólk kom, opnaði hurðina, gekk inn og lokaði á eftir sér. Dyrnar skildu á milli ys og þys sem hver dagur ber með sér. Innandyra voru breytingar varla merkjanlegar sem höfðu orðið þá fjóra áratugi hér í Reykjarvíkurborg frá því að Mokka var opnað á Skólavörðustíg. Það voru helst dagsetningar dagblaðanna sem sýndu okkur að tíminn hafur liðið. En þegar ég var búin að koma fyrir símunum mínum tuttugu og fjórum, var Mokka gjörbreytt. Í stað þess að gestirnir grúfðu sig ofan í dagblöðin sötrandi kaffi sitt í ró og næði eða spjölluðu við sessunauta sína, hringdu nú símarnir á veggjunum og einnig gátu gestir nú hringt til vina og kunningja úti í bæ. Gestir á Mokka höfðu ekki fyrir þennan tíma komist í símasamband inni á Mokka.
Verkið var sett upp á þeim tíma sem mjög fáir voru með farsíma. Fljótlega eftir að verkið var tekið niður voru farsímar að verða algengir í vasa gestanna á Mokka.

Símaþingið var samvinna mín og Ævars Kjartanssonar í Víðsjá RÚV og í staðin fyrir afnot gesta minna af hljóðstúdíói þeirra Rúv. manna, þá daga sem þingin fóru fram, nýttu Ævar og hans fólk sér að hluta efni þinganna í útsendingar sínar. Símaþingin var hægt að heyra á Mokka í beinni í ráðstefnukerfi frá Póst og síma, er þau fóru fram og var þá spyrill dagsins í hljóðstúdíói í RÚV í Háaleiti. Viðmælandi spyrils var á sinni skrifstofu eða þeim stað sem hentaði honum, með sinn síma. Aðstoðarfólk sem spyrlar buðu til að taka þátt í þessum litlu símaþingum, var statt á Mokka tengt inn á samtalið. Með hátölurum gafst gestum á Mokka færi að fylgjast með.
Hannes Sigurðsson galleríisti m.m. var ráðgjafi og studdi mig dyggilega.

þeir myndlistamenn sem nýttu sér aðsöðuna og viðmælendur þeirra:

11.02 Haraldur Jónsson ræddi við óþekkta myndlistarmanninn.

13.02 Guðný Magnúsdóttir (galliríisti) ræddi við Ingibjörgu Sólrúnu Gísladóttur, borgarstjóra.

15.02 Kristinn E. Hrafnsson ræddi við Friðrik Sófusson, fjármálaráðherra.

Særún, Dóra, Jóní, Sigrún og Helga ræddu við Aðalstein Ingólfsson, listfræðing.

22.02 Harpa Björnsdóttir ræddi við Ólaf Gíslason, litstfræðing og blaðamann.

25.02 Guðrún Helgadóttir ræddi við Gerði Óskarsdóttur, fræðslustjóra.

27.02 Þorvaldur Þorsteinsson ræddi við fólkið í símaskránni.

28.02 Rúrí ræddi við Pétur Arason galleríista

01.03 Hannes Lárusson ræddi við Sigurjón B. Hafsteinsson

06.03 Anna Líndal ræddi við Guðrúnu Ágústsdóttur