Magnea Ásmunds

Texti fyrir símaþjónusta heilags anda.

,,.í Hafnarborg í Hafnarfirði 03. til 25. júní 1995.

<<<

,,Góðan dag. Þetta er þjónustusími heilags anda. Vinsamlega hafið í huga að þetta er aðeins tilraun".

Styðja á: Einn - til að fá samband við heilagan anda :
,,Í augnarblikinu getur verið slökkt á móttökutæki heilags anda, hann utan þjónustusvæðis eða allar rásir uppteknar. Vinsamlega reynið aftur síðar".

Styðja á: Tvo - til að heilagur andi birtist þér :
,,Vegna fjölda óafgreiddra beiðna verður beiðni þín sett á biðlista. Beiðnir verða afgreidddar í réttri röð, ef mögulegt er að afgreiða þær".

Styðja á: Þrjá - til að fá staðsetningu heilags anda :
,,Eldri upplýsingar eru aðgengilegar t.d.í : sálmabók: sálmar 173 og 335. Passíusálmar: 1. kafli 8. vers, 10. kafli 7. vers, 11. kafli 17. vers, 12. kafli 16. vers. Jóhannesarguðspjall: 14. kafli 16. vers, 17. kafli 25. vers. Galatabréf: 5. kafli 22. vers. Varðandi staðsetningu í dag: Því miður virkar miðunarútbúnaður ekki sem skyldi, vinsamlegast reynið aftur síðar".

Styðja á: Fjóra - ef þú vilt tjá þig um þessa tilraun :
,,Vinsamlega lesið inn nafn, heimili og athugasemdir hér á eftir hljóðmerkinu".

Styðja á: Fimm - til að fá upplýsingar um kaffi :
,,Ef þú vilt þiggja kaffibolla, láttu þá skrifa hann hjá heilögum anda niðri í kaffistofu Hafnarborgar. Magnea mun sjá til þess að það verði greitt."

Styðja á: Sex - til hugleiðingar :
,,Hver veit nema einhver af öllum þeim símalínum sem við höfum vafið um hnöttinn nái að tengjast út fyrir okkar heim. Hver svarar veit ég ekki fyrr en svarað er".

Stefnumót trúar og listar.

(Þema sýningar var Andinn )

Um verkið mitt:

Í dag get ég haft samband við hvern sem er, hvar sem er. En get ég haft samband við æðri máttarvöld? Erum við eitthvað nær svörum lífsgátunnar með allri þeirri tækni sem við höfum aðgang að? Er einhver þörf á sambandi? Er ekki nægilegt fyrir okkur, á sama hátt og forvera okkar, að krjúpa í auðmýkt og tilbeiðslu og viðurkenna vanmátt okkar, gagnvart krafti og leyndardómum almættisins? Í verki mínu hér velti ég fyrir mér þremur möguleikum, að ná sambandi við heilagann anda, að hann birtist eða að fá staðsetningu hans.

Ég sótti fyrirmynd í þjónustusíma bankanna og farsímaþjónustu. Venjulegur tónvalssími var settur upp í sýningarsalnum. Úr öllum tónvalssímum í heiminum var hægt að ná sambandi við tölvuna og símsvarann sem voru staðsett í Reykjavík.. Þar með var sérhannaður þjónustusími heilags anda orðinn að raunveruleika. Kaffið á Kaffistofunni í Hafnarborg tilheyrði okkar veruleika og er það eina sem ég sjálf gat látið ganga upp.

Tölvuprógrammið var unnið af Friðriki Smára Ásmundssyni og símsvörunar prógrammið var unnið af AdCall, auglýsingarsíminn h.f..

Verkið var virkt til ágústloka 1995 og það var mikið hringt í það.