Í herbergi í borginni situr gamall maður með eggið sitt. Lítil börn handleika brothætta muni í öðru herbergi, annarsstaðar í borginni, muni sem hafa ekkert hlutverk lengur annað en að standa í hillu í gömlum skáp,.en nú Í höndum barnanna fá þeir nú nýtt hlutverk.
Við spyrjum oft hvað er líf? Eigum við að gæta þess? Getum við það?
Við getum reynt að hafa postulínsskápinn lokaðan.
Eggið umlykur ungann þar til hann brýtur sér sjálfur leið út úr því. Lítil lífvera yfirgefur skjólið sitt og er komin út í ólgandi lífið þar sem allt er á fleygiferð. Það þarf að leiðbeina nýjum einstakling svo hann geti varast hætturnar allt um kring. Fuglinn útvaldi meðtekur fræðslu af mikilli yfirvegun og hver hugsun og hvert orð er vegið og metið. En getur hann treyst okkur, segjum við honum satt?
Við fylgjumst með ungviðinu taka fyrstu skrefin. Vorgolan umlykur allt og býður upp í lífsins dans. Við vonum að allt fari vel.