Vegurinn að gömlu þvottalaugunum er flestum bæjarbúum vel kunnur. Beggja vegna við hann standa húsin. Sum hver hafa verið hér óralengi en önnur eru nýrri. Við förum fram hjá húsunum, inn í þau og út úr þeim, en við lítum sjaldan upp eftir þeim.

Verkið samanstendur af fjölda lítilla ljósmynda og nær frá Lækjargötu og að Höfðatúni fyrir ofan Hlemm. Þeim er komið fyrir utan á húsunum þar sem ég tók þær og sýna hvað er fyrir ofan okkur, ef við lítum upp, þar sem við stöndum og skoðum myndirnar.